今日生日,又大一岁了,祝自己身体健康先!好开心,今年既两日都有我最好最好既朋友陪我度过啊.果日啊朱同树根搭左5个钟车,专程系江门来深圳同我做生日,真系感动!而今日,angele甘岩又系外面番来,甘岩又系呢日赶到深圳!真系拍戏都无甘巧!呢两日生日,都有我既老死陪,都系果句,有你地,我就足够了,有无伴呢样野无所谓既!

其实,系新既一年,我自己都唔想花心思系感情方面.之前烧烤宴上既一词一句,都深深甘刻系我个心里面.而加系一个奋斗既年头,而我又甘幸运地遇到呢个机会,我更系会专注系工作度了,所以,各位老死,你地暂时都唔好帮我稳对象啦,或者劝我稳对象啦!为左世界和平,你地都系先暂停叫我做坏事啦!要变坏既时候,我自然会变坏嘎啦,哈哈!

今日买完货，差不多12点，大佬比电话叫我来楼下吃烧烤。我迟到，大佬同michael已经吃紧倾紧！今日气氛好唔同，一开始michael就拉住我问我好多野！问完我就问大佬，未听过，我就知道发生咩事！michael一直同大佬讲将来呢坛野会点样，自己又会点样，我之前也从大佬口中听过一两次，但系呢次还系michael第一次亲口同我讲既！我知道前辈既苦心，也恨自己一直用心不足！虽然知道迟早呢一日都会到来，但系估唔到甘快michael就亲口话我知！估唔到呢一日到来之日都不会好似我之前想象中甘遥远！而反思我自己，缺完全没有呢个能力去担任甘重要既职务和角色！内心好恐惧，好似下一分钟就会出现甘既一幕！今日，我发现自己系甘白痴，一直都无全心投入去呢个角色。决心大，执行力度差，系我一直既缺点。经过今日呢一次烧烤对话，我知道有必要做出改变。知耻近乎勇。我要呢句话发生系我身上！

我今日就系比3斤西洋菜折腾了半日！

寻晚就已经做野做到12点打后，今日又朝早8点几就起身再做野！拉拉声以为搞掂就下午训番一觉！下昼睇紧一录蔗既时候，已经昏昏欲睡！正想准备入房训觉，就接到个电话话公司几个电话无钱，要我去充值！天啊，我已经连续甘样做野做左成个礼拜啦，就比一个下午我好好休息下啦好唔好！无奈的我唯有落楼下银行交费！

祸不单行，交完电话费，接到大佬既电话，话今晚要交3斤西洋菜，叫我去稳！天啊，而加呢个季节，边有啊！大佬话呢个一定要交嘎，无得推的！无奈，拉拉声打电话问条市场老，答案同我想象既一样，而加无！大佬叫我去超市稳！天啊！3斤西洋菜又搞到我无得训了！

无奈，楼下既民润无！唯有行20分钟去翠竹间好又多，又无！ 话比大佬知，距竟然叫我打的去附近既jusco稳！救命，为左3斤西洋菜，使唔使打的去稳啊，起表都12蚊半啦！叫距地香港自己买啦！答案系今日礼拜日，无人返工！

无奈，我就系甘样比3斤西洋菜折腾了半死！无奈，睇下表已经下昼3点几，呢个下午无啦!我仲未吃饭添！

拖住沉重既脚步，我番屋企放低系好又多买既野，灵光一闪！点解我唔先打电话去超市度问下有无先呢?有先再打的过去就得啦，唔使白行！

打去jusco，个接线女生好客气甘叫我留低电话，话问完菜栏部就回电我，结果无货！

打去万佳，个女仔问我要咩，我话你果度有无西洋菜啊，个女仔笑住话更系有啦，西洋菜点会无啊！我话你问问先，唔好答得甘口响！结果过左几分钟，个女仔打番电话过来，唔好意思啊唔好意思啊，我地无啊！唉，早知嘎啦！

结果系，成个深圳都无！就系3斤西洋菜！竟然抄晕成个深圳都无！菜就稳唔到，觉又无得训！真系比呢3斤野玩死！

呢间事里面，比我认识到一样野！有D野系时辰未到既，点勉强都系无用，都唔会有结果既！

今日生日好开心，我收到既礼物都系无价的！我觉得自己好幸福！

寻日打风，啊朱同树根2个好兄弟都山长水远照样过来深圳稳我，同我过生日！虽然距地无买咩野送比我，但系就系呢份心就已经让我感动到不得了了。

我呢两年，都晤系江门，1个人走左来深圳做野，但系我都还有呢一班甘既好兄弟，人生如此，还有何求呢？

同样还有1件最开心既事，今日中午啊妈发信息比我，话买左个银包比我！好感动，啊妈以前一直都只系同我过旧历生日，但系啊妈知我都搞新历生日！之前同啊妈行街，啊妈见我银包已经烂晒啦，但系我唔知啊妈会甘细心买呢份礼物比我！多谢啊妈同老豆！份礼物肯定系老豆同啊妈一齐简的！

同样，当今日夜晚大佬知道我今日生日，就专登同我去买野番来屋企打边炉！古都古唔到，平时懒到唔舍得郁既大佬，今日都竟然走入厨房揸起菜刀一齐准备晚餐！多谢大佬！

呢一日，我收到了世上最好既生日礼物！我有世上最好既屋企人，也都有世上最好既好朋友！多谢你地give me so much。